Month: January 2018

சிறுதானிய தோல் நீக்கும் இயந்திரம்

சிறுதானிய தோல் நீக்கும் இயந்திரம்

கர்நாடக மாநிலம், மைசூரில், செயல்பட்டு வரும் மத்திய உணவுத் தொழில்நுட்ப ஆராய்ச்சி நிலையம் (Central Food Technological Research Institute-CFTRI) சைக்கிள் மூலம் இயங்கும் சிறுதானிய தோல் நீக்கும் இயந்திரம் (Pedal powered Millet Mill) உருவாக்கியுள்ளது . ஒருவர் சைக்கிள் மீது ஏறி பெடலை சுற்றினால், வரகு, சாமை உள்ளிட்ட சிறுதானியங்களின் தோல் நீங்கி, அரிசி கிடைக்கும். தற்போது, இதற்கான ஆராய்ச்சிப் பணிகள் முடிவடைந்துவிட்டன.

மையத்தில் இந்தக் கருவியை விற்பனை செய்வதில்லை. வெளிநிறுவனங்களுக்கு இதற்கான தொழில்நுட்பத்தை வழங்குகிறது.

தொடர்புக்கு,
Head,
Information & Publicity, CFTRI, Mysore-570020 Telephone : 0821-2515910.
http://www.cftri.com

கொசு விரட்ட

mosquito

கொசுவுக்கு பச்சைக் கற்பூரம்!  – Natural mosquito repellant

”உதாரணமாக… கொசுவானது அதிகாலை மற்றும் சூரியன் மங்கும் மாலை வேளைகள்தான் அதிகமாக வீட்டுக்குள் படையெடுக்கும். அந்த நேரங்களில் வீட்டுக் கதவு, ஜன்னல்களை மூடி வைத்தாலே போதும்… பாதி கொசு நடமாட்டம் குறைந்து போகும். கொசுவை விரட்ட, ஜீரோ வாட்ஸ் பல்ப்பை எரிய வைத்து (கொசுவிரட்டி மேட் பயன்படுத்துவதற்காக தரப்படும் மின்சாதன கருவியையும் பயன்படுத்தலாம்), அதன் மீது சிறிய உலோக தட்டு ஒன்றை வைத்து, அதில் பச்சைக் கற்பூரத்தை வைத்துவிட வேண்டும். பல்பின் உஷ்ணம் காரணமாக கற்பூரம் இளகி அதில் இருந்து வெளிப்படும் வாசம்… கொசுவை அறவே விரட்டி விடும்.

காய்ந்த வேப்பிலையை சிறிது கொளுத்தி, பின்பு அணைத்து, அந்தப் புகையை வீட்டில் பரவவிட்டால், அந்த வாசனைக்கும் கொசு அண்டாது. நசுக்கிய வெள்ளைப்பூண்டு சாறு ஒரு பங்கு, தண்ணீர் ஐந்து பங்கு என கலந்து, வீட்டின் அறைகளில் ஸ்பிரே செய்ய, கொசு ஓடிவிடும்” என்று சின்னச் சின்ன யோசனைகளைச் சொன்னார்.

”சுதந்திரமாக வெட்டவெளிகளில் சுற்றிக்கொண்டிருந்த பூச்சிகளை எல்லாம், வீட்டுக்குள் வரவழைத்த பெருமை நம்மையே சாரும். ஆம், நவீனமயம் என்கிற பெயரில் வாழ்வதற்கான ஏற்பாடுகளில் ஏகப்பட்ட மாற்றங்களைச் செய்துவிட்டோம். அப்படி செய்துவிட்டு, இப்போது பூச்சிவிரட்டும் வேலைகளில் இறங்கியிருக்கிறோம்” என்று சிரித்தபடியே தொடங்கினார்… தமிழக அரசின் வேளாண்மை அலுவலர் நீ.செல்வம். இவர், கோவில்பட்டியில் இருக்கும் நடமாடும் மண் பரிசோதனை நிலையத்தில் பணியாற்றி வருகிறார்.

இயற்கை பூச்சி விரட்டி – அரப்பு மோர்

insects

 இயற்கை பூச்சி விரட்டி – அரப்பு மோர்

அரப்பு மோர் கரைசல்
இதுவும் ஒரு வகை வளர்ச்சி ஊக்கியே அரப்பு இலை என்று அழைக்கப்படும் உசிலை மர இலைகளை 2 கிலோ பறித்து வந்து தேவையான நீர் சேர்த்து நன்கு அரைக்கவும். அதிலிருந்து 5 லிட்டர் கரைசல் எடுத்து அதனுடன் 5 லிட்டர் புளித்த மோரைச் சேர்க்க வேண்டும் இக்கலவையை 7 நாட்கள் நன்கு புளிக்கவிட வேண்டும். இதன் பின்னர் கரைசலை எடுத்து ஒரு லிட்டருக்கு 10 லிட்டர் நீர் சேர்த்து பயிருக்குத் தெளிக்கலாம். இது பயிர்களை வளர்க்கிறது. பூச்சிகளை விரட்டுகிறது பூசண நோயைத் தாங்கி வளர்கிறது இதில் ஜிப்பர்லிக் அமிலம் என்ற வளர்ச்சி ஊக்கியின் திறன் உள்ளது.

இயற்கை பூச்சி விரட்டி – அரப்பு மோர்

இயற்கை தொழில்நுட்பங்களில் ஒன்றான அரப்பு மோர் கரைசல்  தயாரிப்பது எப்படி?
குறிப்பாக சிறு மற்றும் குறு விவசாயிகள் தங்கள் கிராமங்களில் பண்ணை மகளிர் அமைக்கும் வீட்டுக் காய்கறி மற்றும் பயிர் சாகுபடி நிலங்களில் எளிதாக வேளாண் பணிகளை சிறப்பான முறையில் செய்து அதிக லாபம் பெற அரப்பு மோர் கரைசலை தயாரிக்கவும், தொடர்ந்து பயன்படுத்துவது வாயிலாக அதிகளவு மகசூல் பெற முடியும்.
தயாரிக்கும் முறை:

நமது ஊர்களில் அதிகமாக கிடைக்கும் அரப்பு இலை அல்லது உசிலை மர இலைகளை 2 கிலோ அளவில் பறித்துக் கொள்ள வேண்டும்.

பின்னர் நன்றாக நீருடன் சேர்த்து அரைக்க வேண்டும்.

இதிலிருந்து 5 லிட்டர் அளவில் கரைசல் எடுத்து புளித்த மோருடன் சேர்க்க வேண்டும்.

பின்னர் இந்தக் கரைசல் கலவையை மண்பானை அல்லது பிளாஸ்டிக் வாளியில் ஒருவார காலத்துக்கு புளிக்க விட வேண்டும்.

பின்பு ஒரு லிட்டர் அரப்பு மோர் கரைசலுடன் 10 லிட்டர் தண்ணீர் கலந்து விவசாயிகள் பயிர்களுக்கு எளிதாக தெளிக்கலாம்.

கை தெளிப்பானில் தெளிக்கும் போது ஒரு டேங்க் அளவுக்கு தெளிக்கும் அளவு இது ஒரு ஏக்கர் பயிருக்கு 10 தெளிப்பான் டேங்க் அளவுக்கு தெளிக்க வேண்டியிருக்கும்.

விவசாயிகள், பண்ணை மகளிர் குறைந்த செலவில் அரப்பு மோர் கரைசலை தங்கள் வீடுகளிலேயே தயார் செய்து குறைந்த காலத்தில் பயன்படுத்தி அதிக மகசூல் பெற முடியும்.

பிற பயன்கள்:

அரப்பு மோர் கரைசல் தெளிப்பதன் வாயிலாக எளிதாக பயிர் பாதுகாப்பு தொடர் நடவடிக்கைகளை விவசாயிகள் மேற்கொள்ள முடியும்.

அரப்பு மோர் கரைசல் தெளிப்பதால் பூச்சிகள் தூர ஓடிவிடும்.

குறைந்த செலவில் விவசாயிகள் தங்களின் வீடுகளில், வயல்களில், தோட்டங்களில் உள்ள பயிரை எளிதாக பாதுகாக்க முடியும்.

அரப்பு மோர் கரைசலை பூப் பிடிக்கும் பருவத்தில் தெளிப்பதால் பயிர் வளர்ச்சி வேகமாக காணப்படும். நிறையப்பூக்கள் பூக்கும்.

அரப்பு மோர் கரைசலில் ஜிப்ரலிக் அமிலம் என்ற வளர்ச்சி ஊக்கி உள்ளதால் பயிர்கள் குறைந்த காலத்தில் நல்ல வளர்ச்சியை தந்து அதிக விளைச்சல் மற்றும் மகசூல் கிடைக்கும்.

குறைந்த செலவில்,  விவசாயிகளிடம் உள்ள இயற்கை வேளாண்மை தொழில்நுட்பங்களை கொண்டு எளிதாக தயாரிக்கப்படும் அரப்பு மோர் கரைசலை தமிழக விவசாயிகள் பயன்படுத்தி அதிக லாபம் பெறலாம் என அண்ணாமலைப் பல்கலைக்கழக வேளாண் விரிவாக்கத்துறை விரிவுரையாளர் தி.ராஜ்பிரவீன் கூறியுள்ளார்.
நன்றி:

அரப்பு – மோர் கரைசல்
தேவையான பொருட்கள்:

5 லிட்டர் மோர், 1 லிட்டர் இளநீர், 1-2 கிலோ அரப்பு இலைகள் (அல்லது, 250-500 கிராம் இலை தூள்), 500 கிராம் பழ கழிவுகள் அல்லது பழ கழிவுகளில் இருந்து எடுக்கப்பட்ட 1 லிட்டர் சாறு.

தயாரிப்பு:

மோர் மற்றும் இளநீர் நன்கு கலக்கவும். இலைகளை நன்கு கலக்கவும். பழகழிவுகளைப் பயன்படுத்தி இருந்தால் அதனை நொறுக்கப்பட்ட இலைகளடன் சேர்த்து நைலான் வலையில் இந்த கலவையை வைத்து கட்டி வைக்கவும். வாழையை இளநீர் – மோர் கரைசலில் மூழ்குமாறு வைக்கவும். ஏழு நாட்களில் நொதித்து விடும். நைலான் வலையை பயன்படுத்த்துவதன் மூலம் தெளிக்கும்போது வடிகட்டும் அவசியத்தை தவிர்க்க முடியும்.

நீங்கள் அரப்பு இலை தூள் பயன்படுத்துவதாக இருந்தால், பழ கலவைகளுக்கு பதிலாக பழ சாறு பயன்படுத்த வேண்டும். நான்கு பொருட்களையும் கலந்து அதனை ஏழு நாட்களுக்கு நொதிக்க விட வேண்டும்.

குறிப்பு: எங்களுடைய இலக்கு விவசாயிகளுக்கு செயல்முறையை எளிமைப்படுத்த வேண்டும் என்பதுதான், இதனால் தான் நாங்கள் பழ சாற்றுக்கு மாற்றாக பழக்கழிவும், இலைப்பொடிக்கு மாற்றாக அரப்பு இலைகளைப் பரிந்துரை செய்கிறோம். அரப்பு கிடைக்கவில்லை என்றால், அதற்கு பதிலாக சோப் நட்டு விதை தூள் பயன்படுத்தலாம். இதனை நாம் அது சோப்பு நட்டு-மோர் கரைசல் என்று அழைக்கலாம். தாவரங்கள் நொதிக்கும் போது ஒட்டும், பசை போன்ற திரவத்தை வெளியிட செய்கிறது. நீங்கள் மோர் இந்த திரவ சேர்க்க புளித்துப் விட கூடும். செம்பருத்தி இலைகள், காட்டுக்கொடி (கொக்குலசு ) விட்டு, பசலை (கீரைகள்), அவரை, மிருதுவான வெற்றிலை, மற்றும் பலாப்பழம் தடித்த தோல் (வெளி தோல்) உதாரணங்களாகும்.

பயன்பாடு:

500ml to 1 லிட்டர் கரைசலை பத்து லிட்டர் தண்ணீரில் கலந்து தெளிக்கலாம். இது தாவர வளர்ச்சிக்கு உதவுகிறது, பூச்சிகளை தடுக்கிறது, மற்றும் பூஞ்சை நோய்களுக்கு எதிர்ப்பு தன்மை உருவாகிறது. இந்த கரைசலானது கிப்பெரெளிக் அமிலம் போன்றன் திறன் வாய்ந்தது அதே சாத்தியம் உள்ளது.

மோர் கரைசல்- மேம்படுத்தப்பட்ட முறை :

இந்த மோர் கரைசல் ஒரு செய்ய எளிதான மற்றும் மேம்படுத்தப்பட்ட முறையாகும். இதன் முந்தைய இளநீர் மோர் கரைசல் மற்றும் அரப்பு மோர் கரைசல் போன்று அதே பயன்கள் உள்ளன.

தேவையான பொருட்கள் : மோர் 4 லிட்டர் , இளநீர் 1 லிட்டர் , பப்பாளி பழ கூழ் 250ml , மஞ்சள் தூள் 100 கிராம் , பெருங்காயம் தூள் 10 முதல் 50 கிராம் . வேம்பு, துளசி , அரப்பு , சீதாப்பழம், நொச்சி, கற்றாழை மற்றும் புதினா. இந்த இலைகளை சிறு சிறு துண்டுகளாக வெட்டி மேலே உள்ள கரைசலில் கலந்து விடவும். இதனை 7 நாட்களுக்கு நொதிக்க விட வேண்டும்.

அங்கக சான்றளிப்புக்கான வழிமுறைகள்

organic-produce

அங்கக சான்றளிப்புக்கான வழிமுறைகள்

சான்றளிப்புக்கான பொதுவான விதிமுறைகள்சான்றளிப்புக்கான விண்ணப்ப படிவம்விண்ணப்படிவத்தை மதிப்பீடு செய்தல்ஆய்வுக்கான நேரத்தை அட்டவணையிடுதல்ஆய்வின் போது ஆவணங்களை சரிபார்த்தல்குழு சான்றளிப்பு வழிமுறைகள்சான்றளிப்பை தொடருதல்அங்கக சான்றளிப்புக்கான தமிழ்நாடு அங்கக சான்றளிப்பு துறை வழிமுறைகள்

1. சான்றளிப்புக்கான பொதுவான வழிமுறைகள்

அங்கக உற்பத்திக்கான தேசிய திட்டத்தின் விதிமுறைகளின் கீழ் பதிவுசெய்தவர் இயங்க வேண்டும். அங்கக உற்பத்திக்கான தேசிய வழிமுறைகளின் படி நடக்க வேண்டும். தமிழ்நாடு அங்கக சான்றளிப்புத் துறை, அங்கக வேளாண் உற்பத்தி, கால்நடை வளர்ப்பு, தேன், சேகரித்தல், பதப்படுத்துதல், பொதி கட்டுதல், சேமிப்பு, அட்டையிடுதல் மற்றும் போக்குவரத்துக்கான பொதுவான வழிமுறைகளை வழங்கியுள்ளது.அங்கக உற்பத்திக்கான திட்டத்தை ஆண்டுதோறும் தயாரித்து, அமல்படுத்தி, மேம்படுத்த வேண்டும். அதை தமிழ்நாடு அங்கக சான்றளிப்புத் துறைக்கு வருடந்தோறும் அனுப்ப வேண்டும்.உற்பத்தி மற்றும் அதை கையாளும் முறை, அங்ககமில்லாத சான்று உற்பத்தி மற்றும் அதை கையாளும் முறை, பகுதிகள், அமைப்புகள் போன்றவற்றை அந்தந்த இடத்தில் அங்கக சான்றளிப்பு ஆய்வாளர்கள், தமிழ்நாடு அங்கக சான்றளிப்பு துறை உயர் அதிகாரிகள், அபிடா அதிகாரிகளால் கள ஆய்வு செய்ய வேண்டும்.5 வருடங்களுக்கு குறையாமல் உள்ள அங்கக செயல்முறைக்காக பராமரிக்க வேண்டும். தமிழ்நாடு அங்கக சான்றளிப்பு துறையின் அங்கரிக்கப்பட்ட அலுவலர்கள், மாநில (அ) மத்திய அரசு அதிகாரிகளை பதிவேடுகளை வேலை நேரங்களில் மறு ஆய்வு செய்யவும், தேசிய அங்கக உற்பத்தி திட்டம் விதிகள் மற்றும் தமிழ்நாடு அங்கக சான்றளிப்புத் துறையின் வழிமுறைகளை பின்பற்ற வேண்டும்.குறிப்பிட்ட நேரத்திற்குள் தமிழ்நாடு அங்கக சான்றளிப்புத் துறையால் விதிக்கப்பட்ட கட்டணத்தை செலுத்த வேண்டும்.செயல்படுத்துபவர் தமிழ்நாடு அங்கக சான்றளிப்புத் துறைக்கு தகவல் பின்வருவனவற்றை பற்றி தெரிவிக்க வேண்டும்.விண்ணப்பத்தில், உற்பத்தி பிரிவு, அமைந்துள்ள இடம், வசதிகள், கால்நடை(அ)ஏதாவது ஒரு பொருள் செயலில் உள்ளதா என்றும்சான்றளிப்பு செயல்களில் (அ) சான்றளிப்பு செயல்களின் ஏதாவது ஒரு பகுதியில் மாற்றம் ஏற்பட்டால், அது தேசிய அங்கக சான்றளிப்பு துறையின் விதிமுறைகளின் வழிப்படி உற்பத்தி செய்யப்படுவது பாதிக்கப்படும்.

2. சான்றளிப்புக்கான விண்ணப்ப படிவம்

அங்கக உற்பத்தி செய்வதை பதிவு செய்யவதற்காக விண்ணப்பத்தை உரிய படிவத்தில் சமர்ப்பிக்க வேண்டும். இந்த விண்ணப்பத்தில் பின்வரும் தகவல்கள் இடம் பெற வேண்டும்.

அங்கக உற்பத்தி (அ) கையாளும் முறை திட்டம்விண்ணப்பத்தில் அனைத்து தகவல்களான பெயர், முகவரி, தகவல் பெறும் நபரின் விபரம், தொலைபேசி எண் போன்றவை இடம் வேண்டும்முன்பே விண்ணப்பம் அளித்தவர்களின்  பெயர் கண்டிப்பாக குறிப்பிட வேண்டும்.வேறு ஏதாவது தகவல் இருந்தாலும் குறிப்பிட வேண்டும்.பதிவு கட்டணம், ஆய்வு கட்டணம் ஒரு முறை, பயணச் செலவு ஒரு முறை விண்ணப்ப படிவத்துடன் இணைத்து அனுப்பவேண்டும். தமிழ்நாடு அங்கக சான்றளிப்புத் துறையில் குறிப்பிடப்படும் கட்டணத்தையும் செலுத்த வேண்டும்.

விண்ணப்ப படிவங்களை பதிவிளக்கம் செய்தல்

விண்ணப்பம் -1 அ விண்ணப்பம் ஈ விண்ணப்பம் -21 விண்ணப்பம் -11

மேலே செல்க

3.விண்ணப்பத்தை மறு ஆய்வு செய்தல்

விண்ணப்பத்தை ஆய்வு செய்ய வேண்டும்.
எந்த தகவலாக இருந்தாலும் செயல்படுத்துபவருக்கு தெரிவிக்க வேண்டும். செயல்படுத்து பவரும் உடனடியாக தேவைப்படும் தகவல்களை சமர்ப்பிக்க வேண்டும்.
கட்டணம் செலுத்தாத விண்ணப்பங்கள் மறு ஆய்வு செய்யப்படாது.
தமிழ்நாடு அங்கக சான்றளிப்பு துறையால் விண்ணப்பத்தை ஏற்றுக் கொள்ளுதல் தவிர்த்தல் போன்றவை முடிவு எடுக்கப்பட வேண்டும்.
மறுக்கப்பட்ட விண்ணப்பங்கள் விண்ணப்பித்தவருக்கு திருப்பி அனுப்பப்படும்
விண்ணப்பங்களுக்காக செலுத்தப்பட்ட கட்டணங்கள் திருப்பி தரப்படமாட்டாது
பதிவிற்குப்பிறகு (அ) பதிவு செய்த விண்ணப்பத்தில் கள ஆய்வு பற்றி தெரிவிக்க வேண்டும்.
விண்ணப்பிப்பவர் எப்பொழுது வேண்டுமானாலும் திரும்ப பெற்றுக் கொள்ளலாம். ஆனால் கட்டணம் மட்டும் திருப்பி தரப்படமாட்டாது.

மேலே செல்க

4.ஆய்வை அட்டவணையிடுதல்

முதல்கட்ட கள ஆய்வு நடைபெறும் நேரத்தை குறிக்க வேண்டும். நிலம், வசதிகள் மற்றும் செயல்பாடுகளைப் பற்றி ஆய்வு செய்யும்போது செயல்படுத்துபவர் அந்த அமைப்பை பற்றி விவரிக்க வேண்டும். பதிவு செய்த நாளிலிருந்து 6 மாதம் வரை முதல்கட்ட ஆய்வு தாமதிப்படலாம். அதனால் அங்கக உற்பத்தி செய்பவர்கள் அதற்கான விதிமுறைகளை பின்பற்ற வேண்டும். பதிவேடுகளையும் பராமரிக்க வேண்டும்.
அங்கக உற்பத்தி செய்பவர் முன்னிலையே கள ஆய்வு மேற்கொள்ள வேண்டும்.
வருடாந்திர ஆய்வு ஒரு முறையும், கூடுதலாக ஒரு ஆய்வும் மேற்கொள்ளப்படும்.

மேலே செல்க

5.ஆய்வின் போது ஆவணங்களை சரிபார்த்தல்

ஆய்வின் போது, தமிழ்நாடு அங்கக சான்றளிப்புத் துறையின் விதி முறைகளின் படி உள்ளதா என்று சரிபார்க்க வேண்டும்.
அங்கக உற்பத்தி செய்பவர் சமர்பித்த திட்ட ஆவணத்தை விதிமுறைகளின்படி உள்ளதா என்று சரிபார்க்க வேண்டும்
தடைசெய்யப்பட்ட பொருட்களை பயன்படுத்தக் கூடாது மண், நீர் மாதிரி, கழிவுகள், விதைகள், பயிர் திசுக்கள், பயிர் விலங்கு மற்றும் பதப்படுத்தும் பொருட்கள் பற்றிய மாதிரியை அனுப்ப வேண்டும்.
அனுப்பபட்ட மாதிரியை 17025 ஆய்வகங்களில் சோதனை செய்யப்பட வேண்டும். இதற்கான கட்டணத்தை உற்பத்தி செய்பவர் ஏற்றுக் கொள்ள வேண்டும்.
கள ஆய்வின் போது, அங்கக உற்பத்தி செய்யும் நபருடன் பேட்டி காண வேண்டும். ஆய்வாளர் மற்ற தகவல்களையும் சேகரிக்க வேண்டும்.
ஆய்வு முடிந்தவுடன், சரிபார்ப்பதற்கான பட்டியல் மற்றும் ஆய்வு அறிக்கை தயார் செய்ய வேண்டும். உற்பத்தி செய்பவரிடமிருந்து  கையெழுத்து வாங்க வேண்டும்.
குறிப்பிட்ட அங்கக உற்பத்தி செய்பவர் மற்றும் மதிப்பீ்ட்டாளருக்கு  சரிபார்க்கும் பட்டியல், ஆய்வறிக்கையை அனுப்ப வேண்டும்.
மதிப்பீட்டாளரால் குறிப்பிட்ட நேரத்திற்குள் ஆய்வறிக்கைகளை மதிப்பீடு செய்ய வேண்டும். ஏதாவது தகவல் மேலும் தேவைப்பட்டால் உற்பத்தி செய்பவருக்கு தெரிவிக்க வேண்டும்.
விதிமுறைகளின் படி இல்லாமல் இருந்தால், உற்பத்தியாளர்களிடமிருந்து விளக்கம் கேட்க வேண்டும்.

மேலே செல்க

6. குழு சான்றளிப்பு விதிமுறைகள்

பொதுவாக தேவைப்படுபவை

இந்த அமைப்பு விவசாயி குழுக்கள், உற்பத்தியாளர் குழுக்கள், ஒப்பந்த உற்பத்தி மற்றும் பதப்படுத்தும் பிரிவுக்கு அளிக்கப்படுகிறது

உற்பத்தி குழு ஒரே மாதிரியான உற்பத்தி அமைப்பு மற்றும் ஒரே மாதிரியான புவியியல் அமைப்புக்கு உள்ளாகவும் இருக்க வேண்டும்.

4 எக்டருக்கு மேல் வைத்துள்ள விவசாயிகள் மற்றும் அதற்கு அதிகமாக உள்ளவர்கள் ஒரு குழுவின் கீழ் வருவார்கள். இவர்களை தனித்தனியே ஆய்வு செய்ய வேண்டும். பண்ணையின் மொத்த பரப்பு குழுவின் மொத்த பரப்பில் 50 க்கு குறையாமல் இருக்க வேண்டும்.

பதப்படுத்துபவர் மற்றும் ஏற்றுமதியாளர்கள் ஒரு குழுவின் கீழ் வருவார்கள் ஆனால் அவர்கள்  தமிழ்நாடு அங்கக சான்றளிப்புத் துறையில்  வருடந்தோறும் ஆய்வு செய்யபட வேண்டும்.

குழுவின் அமைப்பு

குழுக்கள் சட்ட அளவில் மதிப்பும், தனிப்பட்ட அமைப்பாகவும் இருக்க வேண்டும்

உள்கட்டுபாட்டு அமைப்பை அந்த குழுக்கள் வைத்திருக்க வேண்டும்.

தனிப்பட்ட செயல்பாடுகளை செயல்படுத்துவதற்காக அந்தக் குழுவிலிருந்து தனிப்பட்ட நபர்கள் குழுக்கள் அமைக்க வேண்டும்.

உள்கட்டுப்பாட்டு அமைப்பை அமல்படுத்துவதற்கும், ஏற்படும் பிரச்சனைகளை அறியவும் உள் தர அமைப்பு கையேடு ஒன்றை அந்த குழுக்கள் உருவாக்க வேண்டும்

குழு சான்றளிப்புக்கான உள் விதிமுறைகள்

தேசிய அங்கக உற்பத்தி திட்டத்தின் வழி முறைகளின் கீழ் உள்ளூர் மொழியில் உள் விதிமுறைகள் தயாரிக்கப்படும்.

உற்பத்தி பிரிவின் வரையறை, மாற்றுவதற்கான முறை, இணை உற்பத்தி, மாற்றுவதற்கான காலம், அனைத்து உற்பத்தி பிரிவுக்கான உற்பத்தி விதி முறைகள், அறுவடை மற்றும் அறுவடையின் சார் செய்முறைகளை உள்ளடக்கி உள் விதிமுறைகள் இருக்க வேண்டும்.

வாங்குவதற்கான வழிமுறை, வர்த்தக வழிமுறை, பதப்படுத்துவதற்கான வழிமுறைகளை உள்ளடக்கி இருக்க வேண்டும்.

சான்றளிப்புக்கு மானியம் வழங்குதல்

தமிழ்நாடு அங்கக சான்றளிப்புத் துறை, பதிவு சான்றிதழ், பரிமாற்ற சான்றிதழ், பொருள் சான்றிதழ்களை வழங்க வேண்டும்.

சான்றளிப்பு குழுவினால் எடுக்கப்பட்ட முடிவைக் கொண்டு சான்றிதழ் வழங்கப்படுகிறது

நோக்கத்திற்கான சான்றிதழ்

சான்றளிப்புக்கு மறுப்பு தெரிவித்தல்

விதிமுறைகளுக்கு அங்கக செயல்பாடுகள் ஒத்துவராமல் இருந்தால், உற்பத்தி செய்பவருக்கு சான்றிதழ் பற்றித் தெரிவிக்க வேண்டும்.

தமிழ்நாடு சான்றளிப்புத் துறை சான்றிதழ் வழங்கும் முன் பிழைகளைத் திருத்த வேண்டும்.

மற்றொரு சான்றிளிப்பு அமைப்புடன் இணைந்து உற்பத்தி செய்பவராக இருந்தால், புதிய விண்ணப்பத்தை தமிழ்நாடு அங்கக சான்றளிப்புத் துறைக்கு சமர்ப்பிக்க வேண்டும்.

தமிழ்நாடு அங்கக சான்றளிப்பு துறை விண்ணப்படிவத்தில் உள்ள பிழைகளை சரிபார்க்க வேண்டும்.

சான்றிதழ்கள் மறுப்பு பற்றி உற்பத்தியாளருக்கு எழுத்து மூலம் அறிக்கை தமிழ்நாடு அங்கக சான்றளிப்பு துறை வழங்க வேண்டும்.

மேலே செல்க

7. சான்றளிப்பை தொடருதல்

சான்றளிப்பை தொடர வேண்டுமானால், கட்டணம் செலுத்தி பதிவை புதுப்பிக்க வேண்டும்.

உற்பத்தி(அ) கையாளுவதற்காக புதுப்பிக்க வருடாந்திர அறிக்கையை உற்பத்தியாளருக்கு சமர்ப்பிக்க வேண்டும்.

புதுப்பிப்பதற்கான சான்றிதழ்களை தமிழ்நாடு அங்கக சான்றளிப்புத் துறை சரிபார்க்க வேண்டும்.

மேல்முறையீடு

சான்றிதழ் மறுப்பு, தடைவிதிப்படி போன்றவற்றிற்கு எதிராக பதிவு செய்த உற்பத்தியாளர் மேல் முறையீடு செய்யலாம்.

அறிக்கையில் குறிப்பிட்ட நாளில் (அ) 30 நாட்களுக்குள் மேல் முறையீடு செய்யலாம். மேல்முறையீட்டு அதிகாரிகளின் முடிவை கடைசி முடிவாகும்.

மேலே செல்க

8.அங்கக சான்றளிப்பிற்காக தமிழ்நாடு அங்கக சான்றளிப்பு துறையின் விதிமுறைகள்

தமிழ்நாடு அங்கக சான்றளிப்பு துறையின் விதிமுறைகளை பதிவிளக்கம் செய்தல்
மேலும் விபரங்களுக்கு
இயக்குநர்,
அங்கக சான்றளிப்புத் துறை, 1424 A, தடாகம் சாலை, ஜி.சி.டி. அஞ்சல்
கோயமுத்தூர் – 641 013, தமிழ்நாடு, இந்தியா
தொலைபேசி: 0091 422 2432984, தொலைபிரதி: 0091 422 2457554,
மின்னஞ்சல்: info@tnocd.org, வலைத்தளம்: www.tnocd.net

ஆட்டுப்பாலின் பயன்கள்

அனைவருக்கும் பசுமை வணக்கம்

நமது முன்னோர்கள் ஆட்டுப்பாலை பயன் படுத்தி இருக்கிறார்கள்

இன்றைய அவசர உலகில் ஆட்டுப்பால் பால் என்பதையே அனேகர் மறந்து விட்டார்கள்

ஆட்டுப்பாலின் பயன்கள்

1) தினந்தோறும் ஆட்டுப்பால் குடித்து வந்தால் உடல் உஷ்ணம் குறையும், உடல் உஷ்ணத்தால் ஏற்படக்கூடிய கண் எரிச்சலும் குறையும்

2)ஆட்டுப்பாலில் அபரிமிதமான மருத்துவ குணங்கள் நிறைந்திருப்பதாக சித்த மருத்துவ நூல்கள் கூறுகின்றன. ஆட்டுப்பால் தாய்ப்பாலுக்கு மிகச்சரியான மாற்று என்று தற்போதைய ஆய்வுகள் தெரிவிக்கின்றன.

3) ஆட்டுப்பாலில் உள்ள பீட்டாகேசின் என்ற புரத அமைப்பு தாய்ப்பாலில் காணப்படும் புரத அமைப்பினை ஒத்ததாக உள்ளது. இதே போல ஒலிகோசோக்ரைடு என்னும் சர்க்கரையின் அமைப்பும் தாய்பாலில் உள்ளது போன்றே காணப்படுகிறது. இதனால் பச்சிளம் குழந்தைகளுக்கு தாய்ப் பாலுக்கு மிகச்சிறந்த மாற்று ஆட்டுப்பால் மட்டுமே .

பச்சிளம் குழந்தைகளை அதிகமாக பாதிக்கும் வயிற்று வலி, வாந்தி, பேதி, மலச்சிக்கல் போன்ற நோய்களை ஆட்டுப்பால் தருவதன் மூலம் தடுக்கலாம்.

4) தீமை விளைவிக்கும் நுண்ணுயிர்களை கட்டுப்படுத்தும் உயிர் வேதிப் பொருட்கள் ஆட்டுப்பாலிலும் காணப்படுகிறது.

5) ஆட்டுப்பாலில் மனித உடலுக்கு தேவையான நிறைய சத்துக்கள் உள்ளன. ஆட்டுப்பால் விரைவாக ஜீரணம் ஆகும் .பாலூட்டும் தாய்மார்கள் இதை சாப்பிட்டால் அதிக பால்ச சுரக்கும். இருமல், மூச்சு திணறல், போன்ற சுவாசப் பிரச்சினைகளுக்கு ஆட்டுப்பால் நல்லது. இப்படி மருத்துவ குணங்கள் கொண்ட ஆட்டுப்பாலை குடித்தால் டெங்கு காய்ச்சல் பரவாமல் தடுக்கலாம்.

6) ஆட்டுப்பால் குடிப்பதால் மன அழுத்தம் குறையும். ஆட்டுப்பாலில் பாஸ்பரஸ், வைட்டமின் பி12,செலினியம், புரோட்டீன், மற்றும் ரிபோஃபிளாவின் போன்ற வைட்டமின்கள் மற்றும் தாதுக்கள் உள்ளன. இதன் காரணமாக ஆட்டுப்பால் குடிப்பதால் உடலுக்கு அதிக சத்து கிடைக்கிறது.

இத்தகைய மகத்துவ மருத்துவ குணங்கள் கொண்ட ஆட்டுப்பால் பயன்பாட்டை விட்டு விட்டோம்.

விக்டர்:::::: 94435 63853

தவமணி:::9080664974

எது வயலுக்கு உண்மையான தழைச்சத்து உரம்?

agri-field

எது வயலுக்கு உண்மையான தழைச்சத்து உரம்.?
.
விவசாயம் என்றால் என்னவென்றே தெரியாதவர்கள் எல்லாம் இயற்கை விவசாயம் மற்றும் செயற்கையே இல்லாத முழுமையாக இயற்கையான பொருட்களை மட்டுமே கொண்டு விளைவித்த பொருட்கள் மட்டுமே உட்கொண்டு பல ஆயிரம் வருடங்கள் வாழவேண்டும் என்று தற்சமயம் ஆசைப்படுகிறார்கள்..
.
தொடர் விவசாய சங்கிலி அறுந்தபின்பு அதாவது அனுபவ விவசாயம் படுத்துவிட்டபின்பு
புதிய தலைமுறை விவசாயிகள் இயற்கை விவசாயத்தினை அனுபவம் இல்லாமல் தொடர வேண்டிய நிலை ஏற்பட்டுள்ளது.
.
பசுந்தழை உரமிடல் என்பது வேறு இடங்களிலிருந்து கொண்டு வரப்பட்ட இலைகள், மரங்களின் கொம்புகள், புதர்செடி, சிறு செடிகளை வயலுக்கு உபயோகித்தல் ஆகும். பயிரிடப்படாத நிலங்கள், வயல் வரப்பு மற்றும் வேறு இடங்களில் வளரக்கூடிய செடிகளும் பசுந்தழை எருவிற்கான மற்றொரு ஆதாரம் ஆகும்.
.
ஆனால் இயற்கையான மண்வளமூட்டும் பசுந்தழை கனிம பொருட்கள் அதிக விலையேற்றமாகி விட்டதாலும் அதனை வயலுக்கு இட வேலை ஆட்கள் கிடைக்காததாலும், கிடைத்தாலும் பண்ணையம் செய்ய கட்டுபடியாகாத கூலி கேட்பதாலும் மிகப்பெரிய பிரச்னை ஏற்படுகிறது.
.
அதனால் விவசாயிகளுக்கு தெரிந்த ஒரு வைத்தியம் ….
.
பசுந்தாள் தாவரங்களான அவுரி, சணப்பு,தக்கைப்பூண்டு ஆகியவற்றை விதைத்து, சில காலம் வளர்த்து மண்ணில் அப்படியே மடக்கி உழவு செய்துவிடுவது வழக்கமாக உள்ளது.
.
ஆனால் இதனால் அதிக பலன் கிடைக்கும் என்று
அதீத கற்பனை செய்வது தவறானதாகவே முடியும் .“
.
காரணம் தான் என்ன?
.
மண்ணில் இடப்படும் கரிம சத்துக்கள் நுண்ணுயிரிகளால் மாற்றம் செய்யப்படும் போது இருவேறு நிகழ்வுகள் நிகழ்கின்றன.

.
1.கரிமச்சத்தை கனிமப்படுத்தல்(Mineralization )
.
நன்கு முற்றாதஅதாவது அதிக அளவு புரோட்டீன்களைக் கொண்ட தாவரப்பகுதிகள் அதிக அளவு பாக்டீரியாக்களால் குறைந்த கால அளவில் நொறுக்கப்பட்டு அதனது சத்துக்கள் தழைச்சத்துக்களாகவும் தனித்தனி அயனிகளாகவும் பிரிக்கப்பட்டு உடனடியாக பயிருக்கு கிட்டும் வகையில் மண்ணில் சேர்க்கப்படுகிறது.
இது ஒருவகையில் செயற்கை உரவிடுவது போன்றதே காரணம் மண்ணிணை உடனடி சத்து செறிவூட்டும் செயலாகவே கருதப்படுகிறது.
.
கரிமச்சத்தை கனிமப்படுத்தும் செயலில் கோடிக்கணக்கான பாக்டீரியாக்கள் பெருகுவதால் அதற்கான உணவு பற்றாக்குறை எற்படும்நிலையில் மண்ணில் மீதம் உள்ள சத்துக்களை உட்கொண்ட பயிருக்கு போதிய சத்தில்லாத நிலையை ஏற்படுத்துகிறது.
.
இவ்வாறு கரிமச்சத்தை கனிமப்படுத்தி விவசாயம் செய்வதற்கும், செயற்கை உரமிட்டு விவசாயம் செய்வதற்கும் பெரிய வேறுபாடு இல்லை
மேலும் மிகச் சிறு இடைவெளி மட்டுமே இரண்டையையும் பிரிக்கிறது

.
2.கரிமச்சத்தை மண்மட்கு ஆக்கப்படுதல்.(Humification)
.
நன்கு முற்றிய / விளைந்து முடித்த தாவரப்பகுதிகள் , அதாவது அதிக அளவு நார்ச்சத்து மற்றும் லிப்பிட்ஸ் (அ) கொழுப்பு ( Lipids)கொண்ட/ புரோட்டீன்கள் அளவு குறைந்த தன்மை கொண்ட தாவரப்பகுதிகள் அதிக அளவு பூஞ்சாளங்களால் மட்டும் அதிக கால அளவில் சிறிது சிறிதாக சிதைக்கப்பட்டு அதனது சத்துக்கள் மண்மட்காக சிதைக்கப்பட்டு நெடுநாட்களுக்கு பயிருக்கு கிட்டும் வகையில் மண்ணில் சேர்க்கப்படுகிறது.
.
கரிமச்சத்தை மண்மட்கு ஆக்கப்படும் செயலில் கோடிக்கணக்கான பூஞ்சாளங்களால் கரிமச்சத்து தொடர்ச்சியாக மண்மட்கு ஆக்கப்பட்டு குறைந்த அளவு சத்துக்களை மட்டும் உறிஞ்சப்படுகிறது. அதன்பின் தோதான சூழ்நிலைகளில் மீதமுள்ள நார்ச்சத்து மற்றும் லிப்பிட்ஸ் (அ) கொழுப்பு ( Lipids) மண்மட்கு ஆக்கப்படும் நிகழ்வு பூஞ்சாளங்களால் தொடர்ச்சியாக நடைபெறுகிறது.
இதனால் தொடர்ச்சியாக மண்வளமும் பயிர் வளமும் பெரும் நிலை ஏற்படுகிறது
.
மேற்கண்ட இருவகை கரிம மாற்றங்களில் பின்னது மட்டுமே நீடித்த மண்வளமும் நிலைத்த பயிர் விளைச்சலும் பெற்றிட மிகவும் ஏற்றதாக இருக்க வாய்ப்புள்ளது.
.
எனவே விவசாயிகள் இளம் பயிர்களை மண்ணுக்கு இடுவதைத் தவித்து மக்காச்சோளத்தட்டைகள் பருத்திமார்கள், வாழை தண்டுகள் ஆகியற்றை வயலுக்கு பாரமாக கருதி அப்பறப்படுத்தாமலும் எரிக்காமலும் மண்ணில் நறுக்கி இட்டு வளம் பெற்றிடலாமே?