இயற்கை விவசாயம் பற்றி கொஞ்சம் அப்பட்டமாக பேச வேண்டியிருக்கிறது.
இது யாரையாவது புண்படுத்துமே ஆயின் மன்னிக்கவும்.

நம்மாழ்வார் “எனது குரு”, பாலேக்கர் “என் வழிகாட்டி” என புகழ் பேசி,விழா எடுப்பதால் மண் விளையப்போவதில்லை, இயற்கை விவசாயம் செழிக்க போவதும் இல்லை.

இந்த வரிகளை சொன்னதற்கு மன்னிக்கவும். 

இந்த முன்னோடிகள் என்ன சொன்னார்கள் என்பதை முழுமையாக உள்வாங்கி நமது எண்ணங்களை அதோடு இணைத்து தெளிவடைய வேண்டும்.

இவர்கள் சொல்வதெல்லாம் மண்ணை வளமாக்குதலை மட்டுமே. அதற்கு என்ன செய்ய வேண்டும் என்பதை அவரவர் பாணியில் சொல்லியிருக்கிறார்கள்.

மண்ணில் மக்கு நிலையை உயர்த்துங்கள் என்பது தான் அவர்களின் அறிவுரை.

அதற்கு தொழு உரம் நிறைய கொடுங்கள், பசுந் தாள் உரம் பயிரிட்டு மண்ணில் கலந்து விடுங்கள், இவை மக்குவதற்கு நுண்ணுயிர்கள் அவசியம்.
அதை ஜீவாமிர்தம், பஞ்சகவியம் போன்றவைகள் வழியாக பெருக்கி மண்ணுக்கு கொடுங்கள் என சொல்கிறார்கள்.

மக்கு இல்லாத மண்ணில் நுண்ணுயிர்கள் நிலைத்திருக்க வாய்ப்பு இல்லை என்பதை தெளிவாக கூறிவிட்டார்கள்.

ஜீவாமிர்தம் உரமல்ல, அது நுண்ணுயிர்களின் செறுவுட்டப்பட்ட அதிசய கலவை என்பதையும் தெளிவுபடுத்தி உள்ளார்கள்.

ஆனால் நாம் தொழு உரம் பற்றியோ, பசுந் தாள் உரம் பற்றியோ கவலைப்படாமல் ஜீவாமிர்தம், பஞ்சகவியம் ஆகிய இடுபொருள் பற்றி மட்டுமே பேசுகிறோம்.