Month: November 2019

போத்து முறை மரம் நடவு

போத்து முறை மரம் நடவு

Arun Sankar

நீண்டநாள் யோசனை.போத்துமுறையில் மரங்கள் வளர்க்க வேண்டும்.
நேற்றைநாள் #ஆலம் #இச்சி #ஒதியன் #உசிலை போத்துமுறையில் வளர்க்க தயார் செய்யப்பட்டது..

‘போத்து’ என்றால் மரங்களின் கிளை என்று பொருள்.

‘போத்து’ என்றால் மரங்களின் கிளை என்று பொருள். மரத்தின் கிளைகளை வெட்டி நடவு செய்தல் முறைக்குப் ‘போத்து நடவு’ என்று பெயர். ஆல், அரசு, உதியன், பூவரசு, அத்தி, இச்சி, வாதமடக்கி, கல்யாண முருங்கை ஆகிய 8 மரங்கள் போத்துமுறை நடவுக்கு ஏற்றது. இதில் உதியன், வாதமடக்கி வேகமாக வளரும். தேர்வு செய்யும் மரங்கள் குறைந்தது 10 வருட முதிர்ச்சி அடைந்த மரமாக இருக்க வேண்டும். வெட்டப்படும் கிளைகள், மணிக்கட்டுக் கனத்தில் அதிக வளைவு இல்லாமல் நேராக இருக்க வேண்டும்.

கிளைகளில் உள்ள சிறிய கிளைகளையும், இலைகளையும் உதிர்த்துவிட வேண்டும். 8 முதல் 10 அடி உயரம் இருக்க வேண்டும். கிளைகளை, கரும்பு வெட்டுவதுபோலச் சற்று சரிவாக வெட்ட வேண்டும்.

கிளைகளில் உள்ள சிறிய கிளைகளையும், இலைகளையும் உதிர்த்துவிட வேண்டும். 8 முதல் 10 அடி உயரம் இருக்க வேண்டும். கிளைகளை, கரும்பு வெட்டுவதுபோலச் சற்று சரிவாக வெட்ட வேண்டும். சரிவாக வெட்டினால்தான் அதன் அடிப்பாகத்தில் திசுக்கள், ஈரமண்ணுடன் கலந்து புதிய வேர்கள் உருவாக ஏதுவாக இருக்கும். நடவிற்கு முந்தைய நாள் கிளைகளை வெட்டினால் போதும். நடவு தாமதமானால், கிளைகளின் அடிப்பகுதியில் ஈரத்துணிச் சுற்றி நிழலில் வைக்கலாம்…

45 முதல் 50 நாள்களில் இலைகள் துளிர் விடுவதைப் பார்க்கலாம். இந்த முறையில் 10 முதல் 12 அடி இடைவெளியில் அடுத்த கிளை களை நடலாம்.

ஆடி மாதம் 18-ம் தேதி முதல் மார்கழி மாதம் வரை வெப்பம் குறைவாக இருப்பதாலும், இடையிடையே பருவமழை ஓரளவுப் பெய்வதாலும், பனிப்பொழிவு இருப்பதாலும் போத்து அல்லது மரக்கன்றுகள் நடவு செய்ய இதுவே ஏற்றக் காலமாகும்…

ஆடி மாதம் 18-ம் தேதி முதல் மார்கழி மாதம் வரை வெப்பம் குறைவாக இருப்பதாலும், இடையிடையே பருவமழை ஓரளவுப் பெய்வதாலும், பனிப்பொழிவு இருப்பதாலும் போத்து அல்லது மரக்கன்றுகள் நடவு செய்ய இதுவே ஏற்றக் காலமாகும்…

டீ கம்போஸ்ட் உரம் தயாரிப்பது எப்படி

உங்கள் செடியில் காய் சிறிதாக இருக்கிறதா?, பூ பூக்கவில்லையா? செடியின் இலைகள் சிறிதாக உள்ளதா? இந்த மாதிரி பிரச்சனைகள் சரியாக்க Compost Tea தயார் செய்து அதை செடிகளுக்கு கொடுத்து பாருங்கள். காய் பிடிக்கும் செடி நன்றாக வளரும்.

டீ கம்போஸ்ட் உரம் தயாரிப்பது எப்படி?

ஒரு அகலமான பக்கெட்டை எடுத்து கொள்ளுங்கள். அவற்றில் ஒரு பங்கு மண்புழு உரத்தை நிரப்ப வேண்டும்.

பின் ஒரு கைப்பிடியளவு வேப்பம்பிண்ணாக்கு, ஒரு கைப்பிடியளவு கம்போஸ்ட் உரம் ஆகியவற்றையும் சேர்த்து கொள்ளவும்.

பின் பக்கெட் முழுவதும் தண்ணீர் ஊற்றி நிரப்பி, அவற்றில் சேர்க்கப்பட்டுள்ள பொருட்களை நன்றாக கரைத்து கொள்ளவும்.

பிறகு இவற்றுடன் ஒரு கட்டி வெல்லத்தை சேர்த்து நன்றாக கலந்து கொள்ளவும்.

பின்பு இந்த கலவையை ஒரு இடத்தில் வைத்து மூன்று நாட்கள் நன்றாக கலந்து நிழலில் மூடி வைக்க வேண்டும்.

இவ்வாறு மூன்று நாட்கள் ஊற வைப்பதினால் அவற்றில் உள்ள நுண்ணுயிரிகள், நல்ல பக்டீரியாக்களை அதிகரிக்க செய்கிறது.

மூன்று நாள் கழித்த இந்த கலவையை செடிகள் மீது 10 லிட்டர் தண்ணீருக்கு 300 மில்லி என்ற விகிதத்தில் கலந்து தெளிக்கலாம்
அல்லது செடியைச் சுற்றி ஊற்றி விடலாம் இவ்வாறு செய்வதினால் செடிகள் நன்கு வளர ஆரம்பிக்கும்,

அதேபோல் காய்கள் மற்றும் பூக்கள் அதிகம் பிடிக்க ஆரம்பிக்கும்.

விவசாய நிலத்தில் எலிகள் தொல்லை கட்டுபடுத்த

ஆந்தை மற்றும் கோட்டான் போன்ற பறவைகள் அதிகமான எலிகளை இரவில் வேட்டையாடும் பழக்கத்தை கொண்டவை அதை மட்டும் கோட்டங்களை நம் இடத்திற்கு வரவழைக்க ஒரு ஏக்கரில் ஐந்து முதல் எட்டு இடங்களில் 6 அடி முதல் 8 அடி உயரம் கொண்ட T வடிவ குச்சிகளை நட்டு வைப்பதன் மூலம் ஆந்தைகளும் கோட்டான்களும் நிலத்திற்கு வரவழைக்க முடியும்.

Continue reading

சாணி உருட்டும் வண்டு

சின்னாறு காட்டுலாவின் பொழுது எல்லோர் கவனத்தையும் ஈர்த்த இந்த ” சாணி உருட்டும் வண்டை ” பற்றிய முழுமையான செய்தியை பகிர்ந்து கொள்ள முடியவில்லை! காடு, ஒவ்வொரு நொடியும் புதிய செய்தியை நமக்கு கற்றுக்கொடுக்கிறது!

காடுகளில் வாழும் சாணி வண்டுகள் இலை தழைகளை உண்ணும் விலங்குகளின் கழிவை உணவாகக்கொள்கின்றன! ஒன்றின் கழிவு இன்னொன்றின் உணவு என்பதின் அடையாளம் வண்டுகள்! இயற்கையின் படைப்பில் எதுவும் கழிவில்லை! மனிதனின் நிரந்தரமற்ற வளர்ச்சிதான் கழித்துக்கட்ட முடியாத ரசாயனக்கழிவை மண்ணில் சேர்த்திருக்கிறது!

Continue reading

வளையாம்பட்டு வெங்கடாசலம் ஐயா

வளையாம்பட்டு வெங்கடாசலம் ஐயா
Pamayan.

காலையே கலசப்பாக்கம் தோழர் இராசேந்திரன் அவர்களின் கவனிக்கப்படாத அழைப்பைப் பார்த்தேன்.

பயணத்திற்கு கிளம்பும் அவசரம். ஏதேனும் ஒரு கட்டுரை பற்றியோ அல்லது இது குறித்து எழுதுங்கள் என்று கூறவோ இருக்கும் என்று நினைத்து, பேருந்தில் பயணிக்கும் போது பேசிக் கொள்ளலாம் என்று விட்டு விட்டேன்.

பேருத்தில் படிக்க சம்பரானில் காந்தி புத்தகத்தை எடுத்து மடியில் வைத்துக் கொண்டிருந்த போது இராசேந்திரனிடம் பேசிய பின் படிக்கலாம் என்று பயணத்தின் போது அழைத்த பேசிய பின் மனது கனத்துப் போனது.

இன்னுமொரு மூத்த அறிஞரை, முன்னேர் ஒன்றை இழந்து விட்டோமே என்று பெரும் சோகம் அப்பியது மனதில்.

தமிழறிஞராக, தமிழ் கணக்கியல் அறிஞராக, தொல்லியலாளராக, விதை சேமிப்பாளராக ஏறத்தாழ 50 ஆண்டுகாலம் இயங்கிக் கொண்டிருந்த வளையாம்பட்டு வெங்கடாசலம் ஐயா நேற்று இரவு இயற்கையெய்திய சேதி தான்.

செங்கம் வெங்கடாசலம் ஐயா என்று தான் என் மனதில் நிற்கிறார் வளையாம்பட்டு வெங்கடாசலம் அவர்கள்.

முதலில் எப்போது சந்தித்தேன் என்பது நினைவில் இல்லை. ஆனால் கண்ணிற்குள் இருப்பது கருத்த இராகி இரகம் ஒன்றைக் கையில் வைத்துக் கொண்டு அது விளையும் மலைப் பகுதி, விளைவிக்கும் பழங்குடி மக்கள் என விளக்கியது மட்டும் மனக்கண்ணில் இன்றும் நிற்கிறது.

ஏறத்தாழ 40 இராகி வகைகள் என்று நினைக்கிறேன். எல்லாம் தமிழ் நாட்டு இரகங்கள். இராகியில் இத்தனை இரகங்களா என்ற என் முதல் வியப்பை முறியடிக்கும் வகையில் அடுத்து அவர் காட்டியது நெல் இரகங்கள்.

இதெல்லாம் தமிழகத்து சொத்து என்று விளக்கினார் மிகுந்த குதூகலத்துடன்.

அப்போதெல்லாம் இந்தப் பெருமை மிகு பாரம்பரியத்தின் மீது பெருமை ஏது?

இந்த நிகழ்வு அநேகமாக 1990 களின் மத்தியில் என்று நினைக்கிறேன்.

தமிழகத்தில் இன்றும் நம் கவனம் நெல்லின் மீது தான். சிறு தானியங்கள் மீதல்ல. ஆனால் நெல்லுக்கு நிகராக சிறு தானியத்தையும் சம அக்கறையுடன் பாதுகாக்க முயன்ற முதல் தமிழர் இவரே. இத்தனைக்கும் இவர் தமிழகம் முழுமைக்கும் அலைந்து திரிந்து சேகரித்தவை அல்ல. இவர் காட்டிய இராகி, திணை மற்றும் நெல் இரகங்கள் தான் வாழும் திருவண்ணாமலைப் பகுதி மற்றும் பொறியாளராகப் பணி புரிந்த பகுதிகளிலிருந்து சேகரித்தவை.

இவரது விதைகள் மீதான அக்கறையும் கவனிப்பும் நம்மாழ்வாரை ஈர்த்ததில் வியப்பில்லை. நம்மாழ்வார் பல சந்தர்ப்பங்களில் வெங்கடாசலம் பற்றி சிலாகித்து பேசியதுண்டு .

பொறியாளரான இவரது இன்னொரு தணியா ஆர்வம் கணக்கியல். தமிழர் கணக்கியல் மேதை. தமிழரின் தொன்மம் குறித்த இவரது ஆய்வுகளும் கட்டுரைகளும் இன்றைய இளைஞர்களுக்கு தேவையானது. திணையில் குறித்த பார்வை சிறப்பானது.

மூன்று மாதங்கட்குப் முன் கலசப்பாக்கத்தில் நண்பர்கள் ஏற்பாடு செய்திருந்த கூட்டத்திற்கு தலைமை இவரே. மிக நீண்ட இடைவெளிக்குப் பின் நடந்த சந்திப்பு. பார்த்ததும் மிகுந்த மகிழ்ச்சி அவருக்கு. நா தழுதழுக்க,”எப்படி இருக்கீங்க செல்வம், நிறைய சுத்தறீங்க, உடம்பையும் பாத்துக்கனும்,” என்ற போது ஒரு மூத்த இளைஞனின் அன்பும் அக்கறையும் கவ்விக் கொண்டது.

தளர்ந்திருந்தார். குரலும் அப்படியே.

என்ன வயதாயிற்று என்றேன். 94 என்றார். ஆனால் அப்படி தெரியவில்லையே என்றேன். 80 களின் ஆரம்பத்தில் இருப்பார் என்று நினைத்தேன். இந்த வயதில் தலைமை உரையை எழுந்து நின்று பேச விரும்பினார். எங்களின் வற்புறுத்தல்கள் தாண்டி நின்றபடியே பேசினார்.

சிறு(அருந்) தானியங்கள் வளர்த்த உடல் அல்லவா!!!

தமிழர்களின் பெருமைகளை, தொன்மங்களை, சிந்து வெளியோடு இருந்தத் தொடர்புகளையெல்லாம் பேசியும் எழுதியும் வந்தவர். இதற்காக “நன்னன்” என்ற பெயரில் இதழ் நடத்தினார். அதில் தமிழர்களின் கணக்கியல், தொன்மை குறித்தெல்லாம் எழுதினார்.

ஐயா அவர்களுக்கு செய்ய வேண்டிய்இறுதி மரியாதையை செய்ய இயலா நிலை கூடுதல் வருத்தத்தை அளிக்கிறது.

மிகுதியாகக் கவனிக்கப்பட்டிருக்க வேண்டியவர். இருப்பினும் தனக்குப் பின் இந்த வேலைகளை எடுத்துச் செல்லும் (விதைகள் தளத்தில்) அடுத்த தலைமுறையை, இரு தலைமுறையை உருவாக்கி வைத்திருக்கிறார். தன் வேலைகள் கவனிக்கப்படாமல், மதிக்கப்படாமல் இருக்கிறதே என்ற ஏக்கமின்றி மறைந்திருக்கிறார்.

வெங்கடாசலம் ஐயாவின் இறுதிப் பயணத்திற்கு பங்கேற்க இயலாமை பயணம் முழுதும் இருக்கும். உங்களின் பிள்ளைகளுடன் தொடர்ந்து இயங்கப் பலரும் இருக்கிறார்கள் என்ற நம்பிக்கையையாவது இச்சமூகம், அடுத்த இரு தலைமுறைகள் தந்திருப்பது சற்றே மகிழ்வு தான்

உங்களது நீநீநீநீநீண்ட பயணத்தை முடித்துக் கொண்டீர்கள்.

நாங்கள் தொடர்ந்து நடப்போம். நாங்கள் தொடர்ந்து பயணிப்போம் நம்மாழ்வார், நீங்கள். போன்றவர்களின் பணியை சுமந்து கொண்டு ….

தமிழ் சமூகம் அடைய வேண்டிய தூரம், தமிழக விவசாயிகள் செய்திட வேண்டிய காரியங்கள் மிக நிறைய உள்ளன.

உங்களையொத்தவர்கள் அக்கறைப்பட்ட காரியங்களுக்கான பயணத்தை தொடர்வோம் என்ற நம்பிக்கையை உங்களுக்கு கொடுக்க முடிந்தது சற்றே மகிழ்ச்சி தான்.

நன்றிகள் ஐயா. தொழுது வணங்குகிறேன்.