Category: News

மூலிகை பூச்சுவிரட்டி அல்லது பத்திலை கரைசல்

நெற்பயிரில் தண்டுதுளைப்பான்(குருத்துபூச்சி),ஆணைக்கொம்பன்,வெட்டுக்கிளி,பச்சைத் தத்துப்பூச்சி, குருத்து ஈ (கொப்புள ஈ), மாவுப்பூச்சி, படைப்புழு, இலைசுருட்டுப் புழு,இலைப்பேன், கதிர் நாவாய் பூச்சி, புகையான் (பழுப்பு தத்துப்பூச்சி), கூண்டுப் புழு (இலை மடக்கு புழு) போன்ற பூச்சிகள் வராமல் தடுக்க(வந்துட்டுனா பகுதியளவுதான் போக்கமுடியும்) பயன் படுத்தபடும் திறன்மிகுந்த கரைசல் தான் மூலிகை பூச்சுவிரட்டி அல்லது பத்திலை கரைசல்.

Continue reading

பயிர்களுக்கு முருங்கை இலை ஊட்டச்சத்து

பயிர்களுக்கு முருங்கை இலை ஊட்டச்சத்து 

முருங்கை இலை பயிர்களுக்கு மிக சிறந்த ஊட்டச்சத்து 

முருங்கை இலையில் அனைத்து சத்துக்களும் அபரிமிதமாக உள்ளது என அறிவோம்.

இதை ஏன் செடிகளுக்கு கொடுத்து நுண்ணூட்டச்சத்துகள் குறைபாட்டை சரி செய்ய கூடாது என எண்ணியவர்கள் முருங்கை இலை சாற்றை இலை வழியாகவும், வேர்கள் வழியாகவும் கொடுத்து இது சிறப்பாக செயல் புரிகிறது என சொல்கிறார்கள்.

Continue reading

மாவுப்பூச்சி கட்டுப்பட கபசுரக்குடிநீர் தெளிப்பு

மாவுப்பூச்சி கட்டுப்பட கபசுரக்குடிநீர் தெளிப்பு

“கபசுரகுடிநீர்” குடும்ப உறுப்பினருக்கு கொடுத்து மீதமானது,கசடுகளில் தண்ணீர் சேர்த்து,செம்பருத்தி,பப்பாளி மீது தெளிக்க மாவுப்பபூச்சியை அழிக்கும் அழிக்கிறது…

விவசாயிகளே,
இதை மருந்து அடிக்கும் மெஷினில் ஊற்றி மற்ற பயிர்களின் மீது தெளித்து முயற்சி செய்து பார்க்கலாம்..

Continue reading

பசுமை வெங்கடாச்சலம் அய்யா மறைந்தார்

 

நம்மாழ்வாரின் ஈரோட்டுத் தளபதிகளில் ஒருவரான பசுமை வெங்கடாசலம்  தன்னை இயற்கையில் கரைத்துக் கொண்டார்.

அவரது நினைவாக…….

நம்மாழ்வாரின் ஈரோட்டுத் தளபதிகளில் ஒருவரான பசுமை வெங்கடாசலம் இன்று மாலை (31-7-20) தன்னை இயற்கையில் கரைத்துக் கொண்டார்.அவரது நினைவாக…….

Posted by Ramasamy Selvam on Thursday, July 30, 2020

 

 

 

பாமயன் அவர்களின் அஞ்சலி:
என்னுடைய அன்பிற்கும் பாசத்திற்கும் உரிய நண்பர் பசுமை வெங்கடாசலம் 30.7.20 ஆம் நாள் மறைந்துவிட்டார். ஏறத்தாழ 20 ஆண்டுகளுக்கு மேலான நட்பு. காலையில் அவரது தொலைபேசி அழைப்பால் எழுந்த நாட்கள் பல உண்டு. இரண்டு மாதங்களாக எந்த அழைப்பும் இல்லை. திடீரென ஒரு நாள் நடையனூர் வெங்கட் பசுமை வெங்கடாசலத்திற்கு உடல்நலம் சரி இல்லை என்று கூறினார். நானும் உடனே தொடர்பு கொண்டேன். ஆனால் தொலைபேசியில் அவரிடம் பேச முடியவில்லை. அந்தோ அவரைப் பார்க்கவே முடியாமல் இயற்கை ஆக்கிவிட்டது.
அவர் ஒட்டுண்ணிகள் தயாரித்து உழவர்களுக்குக் கொடுக்கும் உற்பத்தி நிலையம் தொடங்கி நாங்கள் இணைந்து பயிற்சி முகாம்கள் நடத்தியதுவரை மனக்கண்ணில் நிழலாடுகிறது. எத்தனை நாட்கள் இரவோடு இரவாக பயிற்சிக்கான பொருள்களைத் தயாரித்துள்ளோம். சத்தியமங்கலம் மீனாட்சி திருமண மண்டபத்திற்கு அந்தப் பெருமை சேரும்.
அகழி முறைப் பண்ணையம் என்பது அவரது சிறப்பான கண்டுபிடிப்பு. பல பண்ணைகளை உருவாக்கியுள்ளார். விடாப்பிடியான உழைப்பாளி. யாரையும் சட்டை செய்யமாட்டார். தாளாண்மையில் தொடர்கட்டுரைகள் எழுதினார் என்று சொல்வதைவிட எழுத வைத்தோம் என்றுதான் சொல்ல வேண்டும்.
இயற்கை தனது இனிய மகனை அழைத்துக்கொண்டது.

துயரமுடன் பாமயன்

==============

ஐயா திரு வெங்கடாசலம் Venkatachalam Sangu இயற்கையுடன் இயந்தார்.

ஐயா நம்மாழ்வார் உடன் பயணித்தவர்
விவசாயத்தில் பொருளியல் தன்னிறைவு அடைய அவர் அவருக்கு ஏற்ப பண்ணை அமைப்பை உருவாக்கும் பணி செய்து கொண்டு இருந்தார்.
என் மனதுக்கு இனியவர், எனக்கு தொடர்ந்து மரபு கட்டுமானைத்தை முன் எடுக்க ஊக்கவித்து கொண்டு இருந்தார்.

மேலும் ஐயா அவர்கள் நமது Hari Prasath அவர்களின் தந்தை.

ஐயா அவர்களின் ஆன்மா இயற்கையுடன் அமைதி பெறுவதாக    – இளஞ்சேரன் 

==============

ஆசானுக்கு அஞ்சலி‌ : by  Haree Karthick 

ஹரி ” விவசாயத்துல நம்ம தோற்றுப் போறதுக்கு ஞாயமா நம்ம பொருளுக்கு விலை கிடைக்காம இருக்கிறது ஒரு காரணமாக இருந்தாலும், இன்னொரு விஷயத்தையும் தொடர்ந்து கவனிக்காம தோற்று போயிட்டே இருப்போம் அது பல பேருக்கு என்ன என்று தெரியாம இருக்கு அதுதான் ‘பண்ணை வடிவமைப்பு’!!

நம்ம பண்ணை முதல்ல அதுவே தன்னை தானே தகவமைத்து கொள்கிற மாதிரி தயார் பண்ணிட்டோம்னா . அதற்கு அப்பறம் அதுல இருந்து நம்ப விதைப்பதும் அறுவடையும் பண்றது மட்டும் தான் வேலையா இருக்கும். இப்படி நம்ம பண்ணையை உழவு இல்லாத பண்ணையா மாற்றும் போது விவசாயத்துல நமக்கு செலவும் குறையும் நம்ம பொருளாதார ரீதியாக முன்னேறவும் முடியும்.

இந்த வார்த்தைகள்தான் அவர் என்கிட்ட அடிக்கடி சொல்றது.விவசாயம் பத்தி யார் என்ன பேசினாலும் அவர் இந்த கருத்தை தான் அவர் எப்பவுமே முன்வைப்பார்.

விவசாயத்துல நீங்க புதுசு புதுசா என்ன வேணா பண்ணுங்க ஆனால் அது மண்ணுக்கும் சூழலுக்கும் கெடுதல் உண்டாக்காம உனக்கும் அதிலிருந்து பணம் வருதா அதையும் பாரு. சும்மா இயற்கை, வாழ்வு அப்படின்னு சுத்திட்டு இருந்தா இருக்கிற விட்டுப்புட்டு கோமணத்தோட தான் போகோனும் அதையும் மனசுல வெச்சுட்டு விவசாயம் பண்ணுங்க என்பார்.

இவர் சுமார் ஆயிரக்கணக்கான ஏக்கர் உழவாண்மை பண்ணை என்ற வடிவமைப்பில் பண்ணி வெச்சு இருக்காரு. அதை எல்லாம் இணைத்து ஒரு நெட்வோர்க்கிங்கா பண்ணும்னு சொல்லிட்டு சில முயற்சிகள் கூட எடுத்தோம். ஆனால் காலமும் அவர் உடல் நிலையும் ஒத்துழைக்க வில்லை.

ஒரு முறை நான் அவரிடம், என்னங்க ஐயா சிலபேர் எல்லாம் 10 சென்டுல இயற்கை விவசாயம் செஞ்சா அதையே போஸ்டர் அடிச்சு ஊரு முழுசா காட்டுறான் நீங்க இவ்வளவு வேலை செஞ்சுட்டு எந்த பத்திரிகைகளையும் இல்ல எந்த ஒரு பொது மேடைகளிலும் கலந்து கொள்வதில்லை அப்படின்னு கேட்டதற்கு அதற்கு அவர் சொன்னார் “நான் நம்மாழ்வார் கூட ஊர் ஊரா வீதி வீதியா சுத்தி இந்த மாதிரி செயற்கை விவசாயம் கெடுதல்ன்னு பேசிட்டு திரிஞ்சோம் ஆனா விவசாயிங்களுக்கு முழு இயற்கை விவசாயம் செய்கின்ற மாதிரி ஏற்ற மாதிரி பண்ணைகள் இல்ல அதனால நான் நம்மாழ்வார் கிட்ட இப்படி பேசிக்கிட்டே இருந்தா இது சாத்தியப்படாது நான் தனியா போய் முதல என் தோட்டத்த நான் வடிவமைப்பு பண்றேன் அப்படின்னு சொல்லிட்டு வெளியே வந்து ஆரம்பிச்சது தான் “இந்த உழவாண்மை பண்ணை வடிவமைப்பு” என்றார்.

இவர் பண்ணை வடிவமைப்பில் முக்கியமான ஒரு செயலா நான் பார்க்கிறது JCB மூலம் குழிகள் எடுத்து அதற்குள் செடிகளை வளர்ப்பது. இந்த Trench எடுப்பதின் மூலம் மழைநீரை எளிதாக அருவடை செய்ய முடியும். இதைப்போல அந்த அந்த நிலங்களுக்கு ஏற்ற மாதிரி வடிவமைப்பும் மாறும்.

“இன்னும் கொஞ்சம் உடம்பு நல்லா ஆயிடுச்சின்னா போதும், ஒரு சேர் போட்டுட்டு இந்த செடிய அங்க வை, அந்த செடிய இங்க வை அப்படின்னு சொல்லிட்டு என் வேலைய பாக்க ஆரம்பிச்சுடுவேன்.
மனசுக்கு புடிச்ச வேலைய செய்யனும் அதே சமயம் கொஞ்சம் நம்ம அறிவ பயன் படுத்தி அதுல இருந்து பணத்த வர வைக்குற வேலையையும் பார்க்கனும் ஹரி”.
இதுதான் நான் அவர கடைசியா சந்திச்ச போது எனக்கு அவர் சொன்னது. இதுதான எதார்த்த உண்மை!.

கடந்த இரண்டு வருஷ காலமா இவர் கூடவே நிறைய வாரங்கள் ஒன்னா தங்கி வேலை பண்ணி இருக்கேன், ஆயிரக்கணக்கான கிலோமீட்டர்கள் பயணம் செஞ்சது தெல்லாம் ஒரு அழியாத ஞாபகமா எப்பவுமே எனக்குள்ளே இருக்கும்.

என் வாழ்க்கையில இயற்கை பற்றி எதோ கொஞ்சம் புரிதல் எனக்கு இருக்குன்னா அது உங்க அனுபவத்தை என்கிட்ட பகிர்ந்து கொண்டது தான் காரணம்.

நன்றி ஐயா

by  Haree Karthick 

Jv Jagadeesh முற்றிலும் உண்மை , தான் சார்ந்த மண்ணிற்கு மரங்கள் வளர்ப்புக்கு முக்கியத்துவம் அளித்து , வாழ்நாள் கடைசி வரை தடம் மாறாமல் பயனித்தவர். அவருடைய கண்காணிப்பில் ஏற்பாடான பண்ணையங்களை விலாசப்படுத்துங்கள், மற்ற பண்ணையாளர்களுக்கும் பயன்படும் . இந்த விவரங்கள் உங்களுக்கு மட்டுமே தெரியும் . இவரால் பலனடைந்தவர்கள் இவரின் இறுதி ஊர்வலத்தில் கலந்து கொள்ள முடியாதவாறு ஊரடங்கு காலம் , துயரத்திலும் ஒரு சந்தோசம் , படுக்கையில் நீண்ட காலம் இருக்காமல் விரைவில் விடை பெற்றமைக்கு, ஆன்மா கண்டிப்பாக சாந்தியடையும், தன்னலம் கருதாத வெளிச்சத்திற்கு வராமல் இருந்த மாமனிதர்..

புறக்கடை முறையில் நாட்டுக்கோழி வளர்ப்பு.

புறக்கடை முறையில் நாட்டுக் கோழி வளர்ப்பு.

கோழிகளை பகல் முழுவதும் திறந்த வெளியில் இரை தேட வைப்பதே புறக்கடை முறையில் நாட்டுக் கோழி வளர்க்கும் முறையாகும். இந்த முறையில் வீடுகளிலுள்ள நெல், அரிசிக் குறுணை, கம்பு, சோளம், எஞ்சிய சமைத்த உணவுகளைத் தீவனமாக அளிக்கலாம். எனினும், இந்த முறையில் அதிக எண்ணிக்கையில் கோழிகளை வளர்க்க முடியாது.

குறைந்த முதலீடு, குறைந்த தீவனச் செலவுடன், மண் வளத்தை மேம்படுத்தக் கூடிய புறக்கடை முறையில் நாட்டுக் கோழி வளர்ப்பு குறித்து நாமக்கல் கால்நடை மருத்துவ அறிவியல் கல்லூரி நிர்வாகம் பல்வேறு வழிமுறைகளைத் தெரிவித்துள்ளது.

Continue reading

நிலாச்சோறு – மறந்துபோன கிராமிய விழா

நிலாச்சோறு  - மறந்துபோன கிராமிய விழா

நிலாச்சோறு  – மறந்துபோன கிராமிய விழா

பட்டிணிக்காக
ஒரு விழா இது ஒரு மறக்கமுடியாத திருவிழா

பங்களாபுதூர் என்ற சிறிய கிராமம் இங்கு விவசாய வேலைக்கு பஞ்சமில்லாத ஊர் மக்களுக்கு தினமும் வேலை இருக்கும் களையெடுக்க கரும்பு வெட்ட நெல் நடவு அறுவடை இப்படியாக பல்வேறு வகையான விவசாய வேலைகள் இருந்து கொண்டே இருக்கும்.

Continue reading

பூஞ்சைகளை கட்டுப்படுத்த இயற்கை வழிமுறைகள்

பூஞ்சைகளை கட்டுப்படுத்த இயற்கை வழிமுறைகள்

அ) ஜீவாமிர்தம் தெளிப்பு

100 லிட்டர் தண்ணிரில், 5 – 10 லிட்டர் ஜீவாமிர்தம் கலந்து தெளிக்கவும். ஜீவாமிர்தம் சிறந்த வளர்ச்சி ஊடகம் என்றாலும், அது சிறந்த பூஞ்சான கொல்லியும் ஆகும். சிறந்த கிருமி நாசினி, பாக்டீரியா, வைரஸ் போன்றவற்றை கட்டுப்படுத்தும், மேலும் வளர்ச்சிக்கான நொதிகளையும் கொடுக்கிறது, இதனால் இலைப்பரப்பு பெரிதாகிறது, ஜீவாமிர்தத் தெளிப்பு புறஊதாக் கதிர்களிடம் இருந்து தாவரத்தைக் காக்கிறது,

Continue reading